تهيس ع الماشي او ع القاعد متفرقش :)

وها قد عدت من جديد لاكتب اليكم

هيه هيه هيه هيه هيه ديه الجماهير بتشجع

انا جيت تاني وفرحانة ومبسوطة رغم الظروف اللي انتوا عارفنها معرفش عندس حالة نعنشة فجائية وقولت لازم اكتب حاجة البلوج خلل خلاص والدراسة جاية وسيتم هجره ولن يتم الكتابة فيه غير كل فييين وفيييين فلازم اكتب اي حاجة دلوقتي مش ف دماغي حاجة هفضفض معاكم شوية واقول للي زعلان ميزعلشي واقول للفرحان فرحنا معاك واقول للجعان ليك عزومة عندي واقول للي ساكت انت مش بتسكت معايا واقول للي مسافر وجه عبرني حتى برنه يمكن اكون موت واقول ليا ايه الكلام الغريب ده

واسيبكم مع فاصل من التهييس ثم اعود اليكم

.

ليه بنخاف من نفسنا

ليه بناكل اكلنا

ليه مش بنفهم بعضنا

ليه بنكلم نفسنا

ليه بنعيط من غلبنا

ليه بهيس ف بلوجنا

.

الفقرة التانية

قصة سخيفة

بتبص حواليها وتكلم نفسها لا العفاريت مش هنا ديه ف الاوضه التانية وكمان احنا الصبح ازاي فيه عفاريت

تسكت شوية علشان تسمع صوتهم مسمعتش حاجة تكلم تسمع صوتهم ايه الرعب ده بقى فجأة تسمع صوت تعالى دي كل الليالي وحشانا تعالى حبيبي تعالى منك متحرمنيش

ايه ده

افتكرت انها عملاله الرنة ديه

هي: الو انت فين اتاخرت ليه انا خايفة

هو: معلش انا هتاخر شوية

هي: انا خااايفة تعا.... الخط اتقطع

هو: الو الو يا ترى هي عامله ايه ايه اللي حصل

هي: يا ماما انا خايفة هو قطع الخط ليه

تسمع اصوات كتيرة وبتقرب الاصوات و

استوووووووووووووووووب

مشهد هايل يلا روحوا استعدوا للمشهد التاني

:9

.

كام نكتة كده من ع الفيس بوك

.

مرة سواق تاكسي ماشي في الشارع قابل واحد لابس احمر ف احمر قاله انت مين قاله انا الفرفور الاحمر وصلني للأخر الشارع قاله لا يا حبيبي انا مبركبش فرافير بعد شوية قابل واحد لابس اصفر ف اصفر قاله انت مين قاله انا الفرفور الاصفر وصلني للأخر الشارع قاله لا يا حبيبي انا مبركبش فرافير بعد شوية لقى واحد لابس ابيض ف ابيض قاله اكيد انت الفرفور الابيض وانا مبركبش فرافير قاله فرفور ايه يا روح امك فين رخصك

.

واحد بيسأل واحد تانى بيقولة هو البنك فاتح قالة لا البنك غامق

.

مرة واحد راح للدكتور قال له يا دكتور لما احط ايدى على عينى ما بشوفش حاجة الدكتور عملة عملية خرملة ايدة

.

ورجعتلكم تاني ارجو ان فاصل التهييس ده يكون عجبكم

المهم يعني بابا فاضله ان شاء الله حوالي 36 ساعة من موعد الكتابة ولما تكونوا بتقروه هيبقى فاضله ااقل من 24 ساعة وممكن حد يقراه ويكون جه خلاص يا رب يجي بالسلامة بقى لحسن انا زهقت

يلا بقى سلام