ماذا بعد 30 سنة؟

مش هنقضي البوستات ف البلوج ده شكر ف بعض يعني

فضلت افكراكتب عن ايه ولا ايه من الافكار الكتيررررره اللي ف دماغي ففي عمق واعماق التفكير لقتني بسأل سؤال عجيب بعد 30 سنة او اكتر يا ترى البلوج ده هيفضل موجود؟؟
يعني يبقى استاذ دكتور مهندس مرموق و بريمة محترمة من اكبر مهندسين البترول ف الشرق ااوسط وعندها 3 صبيان طيارين زي الفل ولا الريس ف اوانه وواحدة رائده ف الهندسه الطبية خاصة الاطراف الصناعية ومعاها 2 او 3 دكتوراه و وزيرة اتصالات مرموقة زي شفيقة كده

J ومعمارية شهيرة وليها شركة ولا اعثمان احمد عثمان ف اوانها كل دول عندهم بلوج اسمه شلة الانس ف مملكة الغلس ؟؟؟
يعني تخيلوا معايا كده ناس مرموقة زينا كده لما نكبر ان شاء الله وعندهم بلوج
يا ترى لو بقينا كده ممكن حد يفكر يرمي البلوج اللي هنكتب فيه احلى محطات حياتنا ع مدار ال30 سنة دوول
ولا هيفضل موجود مجرد ذكرى ومحدش هيكتب فيه بعد ما نتخرج وكل واحد يمشي ف حياته
ولا اصلا مش هيبقى فيه حاجة اسمها بلوج وهيبقى موضه قديمة
او يا ترى قبل كده ممكن حد يفكر يرمي شلة الانس ف مملكة الغلس ؟؟
مثلا حد اتخانق مع حد وقال انا هرمي البلوج ده مش عايز حاجة تجمعني بيك ويروح عامل دليت –انا هدلت حياته بعديها - ؟؟
بس لو فضل البلوج ده موجود بجد بعد 30 سنة والبلوجات مش موضة قديمة ده بالعكس كل الناس بقى عندها بلوجات وكنا بنكتب فيه زي دلوقتي- بالدور- وبقينا زي ما انا متخيلة تخيلوا معايا كده
استاذ دكتور مهندس مرموق لسه بيكتب ف البلوج هل يا ترى هيفضل رخم كده ولو حد من الطلبه عرفوا هيوزعوا البلوج ده ف الكلية وهيبقى اشهر من النار ع العلم ساعتها بقى هنخلي ان البلوج ده محدش يشوفوه غيرنا يعني الطلبة تعرف ان الدكتور بتاعها كان شرير وهو صغنن وبيعذب صحابه
او لو الدكتور ده ولادنا دخلوه عنده الكلية وكان بيعذبهم نوريهم البلوج علطول

نيجي بقى للبريمة المحترمة لسه بتكتب وتفضل تشكر ف صحابها المخلصين –احنا يعني- ولما الموظفين يعرفوا هبلها وهي صغيرة واحلامها ويشوفوا رسمتها بتاعه اعماق البحار ديه هتبقى زي رسمة ليناردو دافنشي الموناليزا بس هتبقى عالم البحار ف محاضره شهوار
نروح نشوف رائده الهندسة الطبية ام 3 دكتوراه ديه يا ترى لسه برضه سفن اب يا لذيذ يا رايق ومش بتكتب غير لما نهددها ان احنا ناخد الدور بتاعها ولا هتكتب عن حجااات كتيييرة ولا برضه هتفضل تكتب بتأني
نيجي بقى لوزيرة الاتصالات المرموقة تخيلوا كده الشعب يعرف ان وزيرتهم لوكلوك وبتتكلم 100 كلمة ف الدقيقة زي ما شريف بيقول وعندها رغي منقطع النظير وهبل مزدوج بيقلب بعبط احيانا وفتى حلامها كان اسمه شحيبر ؟؟
اما المعمارية الشهيرة لما عمال الكوبري يعرفوا انها كانت عصبية جدا بس بتحب صحابها جدا جدا بس لما بتتضايق مش بتعرف اللي قدامها وده هيفهمهم حجات كتيره كانت بتحصل وهتحصل
اما المعمارية الاخرى يعني الناس تعرف انها كانت علطول تتخانق مع الاستاذ الدكتور المهندس المرموق وكل شوية زي توم وجيري كده لا لا مش هينفع كده
لا بجد بجد بعد 30 سنة ممكن البلوج ده يفضل موجود ؟؟؟
واصلا بعد 30 سنه هنفضل صحاب ولا لأ ؟
او لو مبقيناش صحاب هنخلي البلوج هو اللي يجمعنا ؟؟
اسئلة نطت ف دماغي قولت اسألهالكم