الدنيا حلوة

طبعا فضلت اغير ف التمبليت لحد ما لقيت التمبليت العجيب ده شكله شبه البشمهندسين عمارات وحجات كده معرفش ايه هي بالظبط يا رب ينول اعجاب حضرات البشمهندسين ولو سمحت يا بشمهندس متغيروش ويا رب يعجبك اصلا :)

مش عارفة ابدا اول بوست ايه ف البلوج المشترك ما بينا ده ؟؟ فكرت اكتب عن مين ولا اكتب ايه اكتب عن الرحلة ولا عن الكلية ولا عن ميدو -الكافتريا- ولاالجبلاية عن ايه بالظبط

بس قلت هبدا بمين بمستكة ولا تويتي ولا نونو ولا روشا قلت علشان محدش يزعل ابدأ بالبشمهندس الوحيد اللي عندنا

البشمهندس تشوووس -تصفيق حااااااااد وصفاااره هااااائلة وزغاريط من بعيييد لولولولولولولوللليي- ايه كل ده علشان هتكلم ع تشوس -هيه هيه هيه هيه هيه تصفيق حااااد وصفااارة هاااائلة وزغاريط من بعيييد لولولولولولولللييي- خلاااص ليه ماله تشوس -تصفيق حاااد -يا دي النيلة مش هقول تشوس -تصفيق حااااد- خلااااااااااااااث عايزة اتكلم شوية ايه ده

حاجه غريبة ماله يعن تشو لا بلاش اكمل الكلمة مش طالبة تصفيق حاااد وزغاررريييط وكده يعني :)

المهم يعني ايه علاقة الدنيا حلوة بالبشمهندس تش. (ده اختصار الاسم مش عايزين تصفيق حااد ايوه زي ما انتوا عارفين) اه قولتلوي ايه العلاقة اكيد يعني مش علشان هو صاحبنا واخونا الكبير تبقى الدنيا حلوة ابسولوطلي نوت يعني ومش علشان هو الشرير بتاع الشلة برضه ومش علشان هو اللي يفضل يتكلم ويقولنا كلام وعامل فيها بابانا مش اخونا الكبيرو بس وبرضه مش علشان هوارخم واحد ف الشلة وانا بعديه ومش علشان حجااات كتيرة يعني فيه هتبقى الدنيا حلوة

اااااااااه خللاااث متقتلنيش هو طبعا لينا الشرف اننا نعرف البشمهندس تش .بس برضه مش ده هدف العنوان

اومال ايه ارفتينا؟

شكرا ليكم ايه الذوق ده ؟؟.

المهم يعني ايه هدف العنوان لحسن الجماهير الغفيرة هتقتلني

الهدف ايوه الهدف الهدف

وجوووووووووووووووووون وجوووووووووووون - لازم ارخم ده بلوج الرخمين -الهدف ان البشمهندس تشوس كان محطم نفسويا منذ فترة قصيرة وعلشان احنا مش متعودين نشوف اخونا الكبير مضايق كده فكنا كلنا مستغربين وجت علينا ثانية كنا مضايقين وايه اللي عمل ف ميدو كده ايه يا ترى يا هل ترى المهم يعني ان احنا مش عارفين برضه لحد دلوقتي كان مضايق ليه

بس الحمدلله هو دلوقتي رجع لحالته الطبيعية فانا بقى حبيت اقوله انه ميزعلش ا كده تاني ويسمع كلام بابا وماما -ايه ده انا دخلت برنامج اطفال- اه افتكرت انا حبيت اقوله ان الدنيا حلوة وزي الفل طبعا طول ما احنا صحابك -اوعى تنكر ده-واوعى تنط البوست واقراه كله

وطبعا هو مش محتاج حد يقوله علشان هو عارف بس برضه الطبيعه الرغاية تحتم علي قوله

ان اللي انت زعلان منه ده هيبقى بعد شوية ذكريات تقعد تفتكرها وتضحك عليها

وكمان اصلا يعني انت عندك قد ايه علشان تبقى زعلان ومضايق يا دوبك كام سنه 18 سنه

وكمان خلي نانسي اللي تقولك الكلام ده بصوا انا حطيت الاغنية ومش عارفه هتشتغل ولا لأ ؟؟

وبس برضه الدنيا حلوة :)